வேல்டெக் ரங்கா சங்கு கலைக்கல்லூரி 1997 ஆம் ஆண்டு தொடங்கப்பட்டது. இவ்வாண்டு முதலே தமிழ்த்துறை மூலம் அனைத்துத் துறை மாணவர்களுக்கும் பொதுத்தமிழ் பாடம் கற்பிக்கப்படுகிறது. வளர்ந்து வரும் மொழிகளின் தேவையைப் பூர்த்தி செய்யும் வகையில், கல்வியாண்டில் படித்த மாணவர்கள், பல்கலைத் தரவரிசையில் இடம் பிடித்துப் பெருமை சேர்த்துள்ளனர்.

தமிழ்த்துறை தொடர்ந்து பொதுத்தமிழ் மற்றும் முதன்மைப் பாடங்களில் பயிலும் மாணவர்கள், கல்வி ஆண்டு முழுவதும் பல்கலைக்கழகத் தரவரிசையில் பல கல்லூரிகளில் நடைபெறும் திறன்மேம்பாடு சார்ந்த பல போட்டிகளில் கலந்து கொள்ள ஆயத்தப்படுத்துகிறது.

தமிழ்த்துறை, தகுதியான பேராசிரியர்களைக் கொண்டு இயங்குகிறது, பெரும்பான்மையான பேராசிரியர்கள் உலகளாவிய இதழ்கள்  மற்றும் இணையங்களில் அறிவுசார்ந்த படைப்புக்களை வெளியிட்டு வருகின்றனர். மாணவர்களின் படைப்புத்திறனை வெளிக்கொண்டு வரும் வகையில் பல நிகழ்வுகள் முன்னெடுக்கப்படுகின்றன.

பல்துறை மாணவர்களின் ஆராய்ச்சி அறிவை மேம்படுத்த தேசிய மற்றும் சர்வதேச மாநாடுகளையும், தமிழ் தொடர்பான பல்வேறு துறைகளில் அவர்களின் திறன்களை மேம்படுத்துவதற்கான பயிலரங்குகளையும் நடத்துகிறது. உயர்கல்வி மற்றும் வேலைவாய்ப்பு குறித்த விழிப்புணர்வை ஏற்படுத்தும் வகையில் விருந்தினர் விரிவுரைகள் மற்றும் தொழில் வழிகாட்டுதல் நிகழ்வுகள் துறை சார்ந்து  நடத்தப்படுகின்றன.

பாடத்திட்டங்களுக்கு அப்பால் மாணவர்களின் அறிவு மற்றும் ஆராய்ச்சித் திறனை மேம்படுத்தும் வகையில், டிப்ளமோ படிப்புகள், மாணவர் கருத்தரங்குகள் மற்றும் இலக்கிய மன்றங்கள் ஒவ்வொரு செமஸ்டரிலும் நடத்தப்படுகின்றன. மாணவர்களின் பல்வேறு திறமைகளை வெளிக்கொணரும் வகையில் பாரதியார் விழா, திருக்குறள் விழா, மாணவர்களின் திறன் மேம்பாட்டு நிகழ்ச்சிகள் ஆண்டுதோறும் நடத்தப்பட்டு வருகின்றன. துறை மாணவர்கள் கல்லூரி, பல்கலைக்கழகம், மாவட்டம் மற்றும் மாநில அளவில் பல்வேறு போட்டிகளில் பங்கேற்று பல்வேறு போட்டிகளில் முதலிடம் பெற்று வருகின்றனர்.

மாணவர்களின் நலன் கருதி நூலகத்தில் 1000க்கும் மேற்பட்ட புத்தகங்கள் உள்ளன. ஒவ்வொரு செமஸ்டருக்கான பாடப்புத்தகங்கள் புத்தக வங்கி மூலம் துறை மாணவர்களுக்கு வழங்கப்படுகிறது. மாணவர்களின் வாசிப்பு திறனை வளர்க்க வாசகர் சங்கம் நடத்தப்படுகிறது. மாணவர்கள் கல்லூரிகளுக்கிடையேயான போட்டிகள் மற்றும் விரிவாக்க நடவடிக்கைகளில் பங்கேற்க ஊக்குவிக்கப்படுகிறார்கள். மாணவர்களின் படைப்புத் திறனை மேம்படுத்தும் வகையில், காலாண்டுக்கு ஒருமுறை வெளியிடப்படும் மின் இதழை மாணவர்கள் நடத்துகிறார்கள்.